He kura reo tēnei mō te hunga mātau me te hunga matatau ki te reo Māori. Ka aroha te hunga kātahi anō ka tīmata ki te ako i te reo, kāore he akoranga mā koutou i tēnei tau. He reo rūmaki te katoa o te kura reo, me mātua mōhio ngā tauira ki te ako i tēnei momo nōhanga.

Kotahi tonu te momo rēhita – $350 (inc. GST).

160 anake ngā tūranga e wātea ana. Mā te utu e mana ai te rēhita. Kia mōhio mai koe, kāore e whakahokia ō moni, ki te kore koe e wātea ki te haere tonu mai ki te kura.

Ka aro noa iho mātau ki te hunga mate pāwera kai. Mō te hunga whiri kai i tua atu i ngā mate pāwera kai, mā koutou anō koutou e whakarite. He ngaruiti, he pouaka makariri hoki e wātea ana.

Nā ngā āhuatanga o te huripari kua kore a Te Ara o Tāwhaki e wātea, nā reira ka tū te kura reo ki te kura tuarua o Karamū. Kua kore e taea te moe ki te kura. Mehemea he panonitanga ka whakamōhiotia koutou.